قلبى نسيكى

حب مايتوصفش .. عشق مايتحكيش
عين بتقول كلام .. بيه أنا كنت بعيش
وبعد ده كله...............

مش فاكره أنا مين .. ولا حب اتعاش سنين
وكلام تقراه العين .. وسهر وغرام وحنين

عشان انتى خاينه .. وعلى نفسك حتى هاينه
بتفكرى فى حاجه تانيه.. وهتعيشى بكرا أنين

روحى للقلب التانى .. عشان يقسى عليكى
هتقوليلى نحن تانى .. هقولك انا قلبى نسيكى

بعد حب مايتوصفش .. وعشق مايتحكيش
وعين بتقول كلام .. بيه أنا كنت بعيش

قسيتى على قلبى وجرحتيه .. ولا هينفع منك ندم
بكرا هيجى الدور عليه .. وهيملاه كره وألم

هيخلص تارى منك .. هيوديكى بحور بعيده
هيجى لحد عندك .. معاه حبيبته الجديده

هتحسى بيا ساعتها .. هتتجرحى وتدمع عينيكى
هتقوليلى نحن تانى .. هقولك أنا قلبى نسيكى


الأغنيه دى أنا اللى مألفاها أه وربنا هى مش حلوه قد كده بس عايزاكوا تقولوا رأيكوا فيها

اغنية هايلة وكلام رائع تسلم ايدك علية

ربنا يخليكى يا monmon يا اللى رافعه معنوياتى

شكرا ليكى على الكلمات الجميله .. والموضوع ومجهودك..

مفيش احلى من الاحساس ده وبجد كلمات جاااااااااامده جدااا وربنا يوفقق

بجد متشكره لردودكم الجميله دى وبجد مش عارفه أقولكوا ايه

بصراحه هو موضوع روعه والكلمات اكثر روعه ربنا يوفق وبصراحه انتى بتحطى موضيع فى منتحى الروعه

شكرا اوووى على الموضوع الجامد دة

شكرا يا مرح ع الشعر الجامد ده بجد فظيع

شكراا علي الكلام الرائع تسلم ايدك

ميرسى يا جماعه ربنا يخليكوا وردودكم حلوه أوى

موضوع جميل