ازاى تبقى خنيييق؟؟؟؟؟؟

ازاى تبقى خنيق طحن لحد ما تنضرب علقة سخنة

قول نكته طويلة أوى وتعالى عند أخرها وأعمل نفسك نسيتها

• هات بخاخة مطهر و أمشى ورا واحد و كل مايلمس حاجة تروح راششها بالمطهر على طول

• لما حد يشكى لك من حاجه قوله أنا عندى مشاكل أكتر منك

•فى مطعم بص للناس اللى على التربيزة اللى جنبك وهى بتاكل ودقق أوى

• كل ما حد يقولك حاجه عيدها بس على هيئة سؤال مثلا هايقولك "مش أنا اتجوزت" قوله "أتجوزت؟!" هايقولك "اه الشهر اللى فات" قوله " الشهر اللى فات؟!" ..... و هكذا

• و انت بتتكلم مع واحد متبصش فى وشه خالص

• واحد تانى بقى دقق فى ملامحه بص لودانه وشعره وكده

• و أنت فى المول ماتمشيش عادى لأ أفضل نط لحد ماتوصل للمكان اللى رايحه

• مش كده وبس أى حاجة تقابلك فى سكتك طبل عليها

• فى المترو امضغ أمضع لبانة بصوت عالى و أنت واقف جنب حد بيقرا مجلة او جرنان و أنت بتقرا معاه طبعا

• أعزم ناس تعرفها ملهاش علاقة بمناسبة عيد ميلاد حد تعرفه وياسلام لو معزوم على الفطار لازم تاخدلك مش أقل من أتنين فى إيدك

• لو قاعد بتتفرج أنت وصحابك على فيلم وفاضل 5 دقايق قوم غير القناة شد الفيشة أعمل أى حاجة لحد الفيلم مايخلص وميعرفوش النهاية

• سيب إاشارة العربية الشمال شغاله لمده 5 كيلو متر من غير ماتلف و بعدين اطفيها و كمل طوالى

•ألبس جراب زى الجراب اللى بيتحط فيه المسدس بس حط فيه الريموت كنترول وكل ماتقابل حد طلعه فى وشه قالى يعنى هتضربه بالنار

• أول ماتشوف كيس كاتشب على الأرض دوس عليه برجلك طرطشه على بنطلون اللى جنبك وقوله كنت بشوفه فاضى و لا مليان

• لو فى مناسبة فيها دى جى أستلم بتاع الدى جى بأغنية يشغلهالك ولوشغلهالك أستلمه يكررهالك علطول عشان بتحبها

• لو واقف جنب حد بيعد فلوس و فى وسط ما هو بيعد قول اى رقم عشوائى زى 423

ملحوظة صغيرة : لو اتضربت أنا مليش دعوة

ايه النصايح اللى تودى فى داهيه دى
ميرسى يا مرام على الموضوع

العفو يا مرح يارب يكون الموضوع عجبك

بجد نصايح دودى فى دهيه وبجد مرسى على الموضوع

العفو ويارب يكون الموضوع عجبكم

والله الموضوع حلو اوى لان الجميل مش بيعمل غير اجميل

ميرسى يا احمد

العفو يا مرام

هههههههههههههههههههههههههههههههههه
ايه الحلاوه دي
والله لو اضربت هخلي ال بيضربني يضربك معايا
ايه بجد النصايح ال تودي الواحد في دهايه دي
بس بجد جامدين ههههههههههههههههههههههههه
ميرسي يا قمر

لالالالالالالا انا ماليش دعوه يا احمد ولا اعرفك ساعتها هههههههههههههه يعنى يرضيك بنوته زى تضرب وميرسى على مرورك

ربنا يستر الموضوع دخل دماغى

هههههه على مرورك يا الحبيب