حوار جامد اخر حاجه بين اتنين سمعهم تقيل.....

اثنين مصريين سمعهم ثقيل جداً واقفين على محطة الأتوبيس ودار بينهم الحوار ده :

الأول : الأتوبيس ده بيروح مــصر الجديدة؟

الثاني : على الحديدة !!... ليه انت طالب احسان ؟

الأول : بذرة الكتان !! لا ..دي تلاقيها عند العطار

الثاني : جزار!! اه ..قوللي كده .. عايز تشتري لحمة

الأول : معك حق.. الدنيا زحمة ..علشان ده ميعاد خروج الموظفين

الثاني : نور الدين !! لا والله .. ماعرفوهش

الأول : ما بتشربوش!! ليه ..كفا الله الشر

الثاني : رأس البر !!! ..ده مــصيف هادي

الأول .: عايز تركب للمعادي... دي منطقة جميلة

الثاني : بليلة !! انت شكلك كده جعان

الأول : عيان!!! أه والله .انت باين عليك عيان ..طيب ما تروح للدكتور

الثاني: الحنطور!! ده احسن من الأتوبيس ، وبيوصلني لحد الباب

الأول : هبــــاب !!! وانا اللي كنت فاكرك محترم

الثاني : اتخـرم !! هو مين ؟؟

الأول : عاوز اسـبرين ! ليه انت عندك صداع ؟

الثاني : قراع !!! ينهار اسود . ده مرض خطير

الأول : فطير !!! لا والله مش عايز. وبعدين مش بأحب الفطير. تقيل على المعدة وتمنه غالي

الثاني: خالي !!! انت تعرف خالي ؟ ده راجل كبير في السن

الأول : الجن !!! نهارك مش فايت ..انت عليك عفريت .!؟

الثاني : لا والله ..ممعاييش.. انت عايز الكبريت ليه ؟ عايز تولع؟

الأول : أدلع !!! أدلع عليك انت!؟ انت ما تملاش عنيا

الثاني :يقبضوا عليا !! ليه !؟

الأول : انت غريب يا راجل انت..شكلك شحات ، ( زقه من القميص ) روح اشتغل شغلة تاكل منها عيش

الثاني : خيش !!! والله ده صوف انجليزي

الأول: بنتك زيزي !!! ربنا يخلي...

الثاني : أنتاج محلي !!!! ده مستورد

يمر شاويش من بتوعنا ... يلفت انتباه الحوار، : بتعمل ايه يا جدع منك له!!!

الاتنين: ايوة يا شاويش ...احنا مستنين الأتوبيس

الشاويش :جواسيس !!!! نهاركم مش فايت ....قدامي على القسم بسرعة...............................

ههههههههههههههههه
انا حاسه ان انا اتعديت واسنجيت معاهم هههههههه
ميرسى يا مرام على الموضوع الجامد ده

ميرسى ياجميل على مرورك

ههههههههههههههههههههههههههه بجد موضوع جميل اوى ونتظر منك المزيد

ميرسى على مرورك

العفو يا جميل ونتظر منك المزيد

ههههههههههههههههههههههههههههههههههههههههههه
نو كومينت يا مرام
بس بجد حتي الشويش
اااااااااااااه مهم مصرين بقي
شكرا يا قمر ع الموضوع المضحك الجامد ده
هههههههههههههههههههههههههههههههههههههههههههه

ميرسى ليك انت يا احمد ويارب يكون الموضوع عجبك

ههههههههههههه
طبعا يا مرح عجبنى هو يقدر