قول رأيك فى نفسك

اللعبه دى أنا جبتها علشان فيه ناس هنا مش تعرف بعضها فحبيت أقرب الأعضاء من بعضهم أكتر.
اللعبه كالآتى:
كل واحد هيقول رأيه فى نفسه من حيث الشكل والصفات واللى بعده هيقول إيه رأيه فى الشخصيه دى ولو عايز يضيف عليها حاجه وبعدين يقول رأيه فى نفسه أوك؟

وأنا هبدأ:
بالنسبه للشكل:الطول 160سم الوزن ماأعرفش بس مش طخينه ومحجبه وبيضه وبس
بالنسبه للصفات الإيجابيه:فأنا طيبه ساعات بعرف أحل المشاكل
الصفات السلبيه:عصبيه قوى ومدب فى الكلام ولو حد جرح كرامتى مابعرفش أسامحه حتى لو رجع أحسن مالأول بسسسسسسسسسسسسسسسسسسسسسسسسسسسسس.

انا الطول 159
الصفات الايجابيه :طيب /بحب الناس/بعرف اقلب الحزن الى فرح /بكره الظلم /وبكره الى بيبيع /بحب عزف الجيتار والسباحه والكوره القدم والغناء /وقياده السيارات جدا /وركوب الخيل /وبحب اصحابى جدا وعمرى ما ابيع حد الا اذا هو باعنى .
الصفات السلبيه :عصبى لكن ممكن اسامح بس ده مش اوى /مبحبش الكدب او الخيانه .

لا جاااااامد يا عاشق بس انا أطول منك

هههههههه
بون سنتى 1
لالا هجيبك بردك

مش هتعرف هجيب كرى وأقف عليه

هههههههه يعنى انتى جيتى فى جمل
انا هجيب سلم 3 متر واقف عليه وابقى قابلينى بقى

ههههههههههه طب والله لهوقع السلم

مش هتعرفى
هجيب 5 كلاب علشان الى يقرب يعضهوه

يا نهار أبيض 5 كلاب لا يا عم اطول براحتك

هههههههههههههههههههههه
هنخفضهم بعد الضرايب 2 وكلب بيبى

عاشق لو عايز كلاب مش هتسلك معايا

انا مش طويل ولا قصير ولا طخين اوي ولا رفيع اوي المفروض ان انا ابيض اصلا بس من اللعب الكورة في الشارع والسباحة بقيت متوسط و بحب السباحة مبحبش حد يتظلم قدامي واقف اتفرج و مبحبش الخيانة ومحبش حد يفتري علي حد ولو صاحبي بيتخانق ادخل معاه بس يكون علي حق وكرامتي فوق الجميع

السلبيات/ مقدرش امسك نفسي لما اغضب وعصبي جداا وازعل من صاحبي علي اتفه حاجة وممكن اسامحه في اي حاجة الا الخيانة وانوا يقول عندي كلام مش صح

ماتلعبشى فى الشارع تانى يا مودى ههههههه ماشى يا عاشق أنا هاخد الكلب البيبى وهخليلك الباقى

هاى ميرووووووووووو وصلت ياجماعة
اولا بحب اشكر حبيبة قلى مرح على الفكرة الجامدة دى
الوصف بقى :
انا قصيرة ومش طخينة عشان مش بحب الاكل اصلا
الايجابيات: بحب اصحابى جدا ومش بحب ازعل حد منى وبحب اتصاحب على الناس ومش بعرف انافق حد يعنى لو حد مش طايقاه مش بتكلم معاه
السلبيات:عصبية شوية بس مش اوى ممكن ازعل من اللى قدامى بس بسامح بسرعة ومش بحب اخسر اصحابى

يارب يكون الوصف صح واللى عايز يضيف حاجة يتفضل
شكررررررررا
يا مرح على الموضوع الجامد ده

ميرسى ليكى يا ميروووووووووووووووووووو وانتى كده فعلا

حبايبى انتوا كلكم سواء شباب او بنات زى القمر بالنسبالى .
ندخل بقى عليا وهوصف نفسي وصف تقليدي لانى مش بحب اصلا اوصف نفسي واللى شافنى بقى يبقى يوصفى اكتر
الشكل: طويل شويه 170 سم الوزن 57كم لون البشره قمحى.
الايجابيات: بحب الناس والصحاب قوى وبحب السفر لانه بتعرف فيه على ناس كتير . والحمد لله سباح درجه اولى (ده من بعدكم يا مودي انت والعاشق) ومصارع كويس . وانا لعبت كل الرياضه وابليت فيهم بلاء حسنا (الحمد لله على التوفيق ده) وبموت فى كره القدم .واحسن حاجه انى بحل مشاكل اصحابى كلهم بس مش بعرف احل مشاكل نفسي .
السلبيات : بتخنق بسرعه و من غير اسباب . عصبي جدا (ومش عارف ليه ) بلاقى نفسي بتخانق مع اى حد ولو على غلط صغير بس مش بتخانق من غير سبب لازم يكون فى سبب بس بصراحه بحس انى كنت غلطان فبرجع اصالح اللى انا اتخانقت معاه حتى لو هو اللى غلطان ( بس مش مع كل اللى بتخانق معاه )
كفايه كده النهارده وانتوا لو شايفين اى حاجه تانيه ممكن تضيفوها ... شكرا ليكى يا جود بيبي على الموضوع الجميل .

ميرسى ليك انتوا اللى خليتوا الموضوع بتاعى اجمل بردودكم الجميله دى

اوك اولا ميرسى ليكى يا عسل على الموضوع الجميل ده بس انت كده بتدبسينا بصى هوصف وامرى لله بصى ياستى مع ان انتى عارفانى كويس وحافظه شكلى انا طولى 166 سم ويعنى مش تخينه ولا رفيعه يعنى مظبوطه وبس لون بشرتى مش فاتح اوى ولا غامق يعنى تقريبا برونزى بس وطيبه ده راى الناس فيا بحب اصحابى جدااا ومش بحب احرج حد الا لو كان يستحق وبحب اساعدهم ومش بحب اى حد يزعل من التانى السلبيات بقى محبش حد يجرحنى او يجى على كرامتى لانى مقدرش اسامح الشخص اللى جرحنى ومحبش حد يكدب عليا او يستخف بيا ومش بحب الناس اللى بيبقوا شايفين نفسهم ومتكبرين بس كفايه كده عليكوا ولو حد عايز يضيف حاجه يتفضل يقول ميرسى ليكى يا عسل على الموضوع الجااااااااامد ده

ماشى يا ميرا بس انتى نسيتى تقولى حاجه دماغك عاليا ودمك خفيف وصاحبه جدعه

اولا فعلا حسام فيه الاوصاف ديه بس حسام فعلا مبيعرفشى يوصف نفسه فعلا حسام انسان طيب اوى وصديق جدع وشهم وانا اعرفكم بفى على نفسى
الطول 168 الوزن انا 62 كليو الصفات انا طيب جدا وبحب كل اصحابى والحمد الله كل الراجله الى على المنتدى اصحابى وانا بحب لعبه السباحه جدا وانا الحمد الله سباح من الدرجه الاولى وخاصه بعد الكابتن حسام هو الاستاذ بتاعى فى لعبه السباحه بس انا مش بعوم زى حسام انا بعوم عمومه تانيه غير بتاعت حسام وبردة بحب حاجه اسماها الحركه الكشفيه يمكن بعض الى على المنتدى يكون عرفها السلبيات انا بصراحه انتى على قلبى لازو اقولى معرفشى اخبى حاجه على حد مهما كان وبصراحه انا عصبى شويه يعنى ممكن الى ضيقنى اتنرفز عليه اوى والى يجى عليا او يغلط فيها او يجرح كرمتى معرفشى اسامحه ابدا وانا بحبح كل الاصدقاء وعمرى مهبيع حد فيهم ويجماع الى شايف حاجه فيا غير كدة يريت يقول وبخصوص العاشق الى حو احمد سالم احمد سالم كداب اوى بمعنى ان طوله ميجبشى 140سم اولا وبعدين احمد من النظام الى بيبيع اصحابه وبيجرى وراء مصلحطه بصراحه انا مش بقول كدة عشان اشوة صورته امام الاعضاء ولكنى انا صريح عشان كدة بقوله عليه كدة ومشكر اى يا جود بيبى على هذة اللعبه الروعة

بسم الله الرحمن الرحيم
احب اشكر جود بيبي علي الموضوع الجميل ده وعلي كل موضعه الـ منوره المنتدي
وعلي فكره احنا( فريق الاداره) بنتناقش في مساله تعينك مشرفه قريبا انشاء الله
المهم بردوا بشكر الاعضاء الـ شاركوا في الموضوع الجميل ده بس في حاجه بلنسبه لاحمد
عبدين الـ انت كتبوا ده مينفعش خالص خالص
مينفعش انك تقول علي صحبه كده مينفعش انو حتي لو كان عامل غلطه او مشكله معاك تعمل معاه كده علي فكره انا اعرف عاشق اعرف انو محترم جدا وعمروا مبعني في اي حاجه ومشركاته حلوه والناس بتحبوا وبعدين كده انت بتقول مش بتشوه سمعته مينفعش كده خالص
وبعدين كده انت الـ فعلا بتبيع صحبك عشان تقول كلام ذي ده ممكن تجرحه وتحرجه ادام اصحابه بعد اذنك الكلام ده ميحصلش تاني وحاول ديما تظهر اصحابك بصوره كويسه حتي لو كان ايه المشكله لازم متبعش صحبك كده بسرعه حتي لو مكنش في مكله بردوا مينفعش كده))
المهم
اوصف نفسي بقي
طيب (اولا انا شعري اصفر وعنيه زرقه ههههههههههههه
لالالا اوصف نفسي بجد
انا طويل بس معرفش اد ايه بصراحه يعني هو كده تقريبا 170 او 160 المهم وزني 58
لون البشره قمحي بس فاتح شويه
لون العين عسلي
بحب الكوره اوي وبحب اصحابي جدا مش بحب حد يزعل مني ممكن اسمح اي حد بسرعه مع ان ربنا هو البيسامح هويه المفضله التصميم والفوتوشب والجرفك والحمدلله بصمم مواقع ومنتديات محترف شويه في الهكر والنت والفيزاستغفر الله ههههههههه
(الله مابعد عنا الفيز المضروبه ) قول امين
مش بحب حد يزعل مني ومش بحب ازعل حد بحاول احل مشاكل اصحابي
وكفايه كده بقي

احب اشكرك يا مدبولى
وبجد مينفعش الى حصل ده
ولو انت بتقول عليا انا ببيع صحبى
ياعبدين
انا عمرى مبيع حد ابدا
وبعدين انت الى ببيع بكلامك ده
وعيب عليك بعد العشره ديت كلها
تيجى تقول الكلام ده
ومن ناحيه انا كداب اوى
انا عمرى ما اكدب على حد
وبص لى نفسك الاول فى تصرفاتك الطايشه
وكلامك ومعلش فى الكلمه الفشر بتاعك
وحسام اكتر واحد عارف كده
وعلى فكره انت بتقول كلام بيشوه سمعتى وده كلام عمره ما حصل ابدا
ويا ابنى انا عارف عنك بلاوى توديك فى داهيه
وانا هطلع احسن وانظف منك ومش هقول حاجه
عارف ليه
لانى محترم عنك

اولا دة هيبقى اخر رد واخر موضوع ليا فى المنتدى بصراحه هو حلو بس معلشى دة اخر يوم ليا معاكم النهردة بص يا احمد يا مدبولى انت وسالم اولا انا مكنشى قصدى اجرح حد وعلى العوم انا اسف على كل الى حصل وعلى العموم اتبر من دلوقتى كل الردود والحاجه الى عملتها على المنتدى اتمسحت وانا هخرج من اسرة المنتدى الى الابد واجو من اى يحد اذا كان زعلان منى فيسمحنى وعلى العموم انا اسف اوى يا مدبولى انت وسالم بس اخر حاجه هقولها انا عمرى محد يعرف عنى حاجه زى مبيقول احمد سالم وانا حتى لو فى حاجه تودنى فى دهيه عمر محد هيعرفها واشوف الكل على خير والسلام عليكم ورحمه الله وبركاته بصراحه المنتدى بتعم روعه

على العموم انا عايز اعرف كل الناس حاجه واحدة بس مجرد لعيه فرقت مبين اغز اصدقاء وعلى العموم انا احب اعرف الكل انا احمد سالم دة محترم كدا بس هى المسئله كانت هزار وقلبت بجد فى الاخر وعلى العموم هى فرقت مبين الاصحاب بس انا واحمد اجدع اصحاب وعمرنا منهنسيب بعض

فى ايه يا جماعه هدوا اعصابكوا مش لعبه اللى هتفرق ما بنكوا انتوا مهما كنتوا صحاب بردو وياريت تحلوا الموضوع بشويه تفاهم