زوج ومراته الندله

واحد و مراته

مره واحد كان ماشي علي الطريق بسرعة ومعاه مراته و فجأه شاف في المرايه

شرطي عمال يشاور له عشان يوقف العربيه

وجه الشرطي وقاله : انت سايق فوق 180 كيلو في الساعه والطريق سرعته 80 كيلو في الساعه
علشان كده هاعملك مخالفه

الراجل : ... معلش انا كنت فوق 80 بشويه مش كتير

الزوجه : ...... لا انت كنت ماشي علي 180 كيلو

الزوج : .... نظرة حقد وغل لمراته

الشرطي : .... وكمان مخالفه علشان الكشاف الخلفي مكسور

الراجل : .... مكسور ازاي انا ما اعرفش انه مكسور

الزوجه : .... ايوه انت عارف ان الكشاف مكسور من كم اسبوع

الزوج : ..... نظرة حقد وغل لمراته

الشرطي : .... ومخالفه كمان لانك مش رابط حزام الامان

الراجل : ....... ده انا لسه فاكك الحزام دلوقتي لما وقفت

الزوجه : .... لا لا لا ده انت عمرك ما ربطت الحزام

الزوج في غيظ صرخ : .... انتي مابتعرفيش تسكتي ابدا

الشرطي يقول للزوجه : .... هو دايما بيزعقلك كده

الزوجه : .... لا بس لما بيكون سكران

الشرطي : .... سكران ؟!!

الراجل : .... لا ما تصدقهاش

الزوجه : ... صدقني احنا لسه لاقيين قزازة خمره في العربية لما سرقناها

الشرطي : .... يعني العربية مسروقه ..؟!!!

الراجل : ... سيبك منها الله يهديك وانتي اسكتي ولا عليا الطلاق اطلقك

الشرطي : .... هو دايما كده يهددك بالطلاق .. ؟؟؟

الزوجه : .... مش لما يتجوزني الأول وبعدين يحلف بالطلاق

مرسى على الموضوع بس الزوجه شكلها غبيه خالص ونتظر منك المزيد

ميرسى لمرورك

هههههههههههههههههههههههههههههه
ايه الحلاوه دي يا مررررررح
والله دا هاني رمزي ازكي منها بشويه بشويه ايه
ههههههههههههه بجد جامد يا مرح

هههههههه ميرسى ليك يا روميو

ميرسي يا جود بيبي
لو كل واحد متجوز واحدة زي دي كان زمان الرجالة كلها انتحرت من زمان

طول عمرك موضيعك جميله يا مرح

ميرسي يا مرح وربنا يكرمك ونراك في زيادة

النكته زي العسل والله يامرح
بس انا لو مراتي كده يا اغور انا يا اديها بق بيروسول وخلاص

جزاك الله خيرا عالموضوع

شكرا على الموضوع وننتظر منك المزيد

ايه الغبواه دى ههههههههههههه هى صريحه زياده عن اللزوم هههههههههههه دا انا ممكن انتحر لو شوفت غبواه بالشكل دا ميرسى على الموضوع ياقمر