النهارده جايبالكم موضوع عن شخصيه أنا بحبها أوى وهو الشاعر الكبير صلاح جاهين وجايبالكوا مقتطفات من أشعاره
الضحك
الضحك قال يا سم ع التكشير
أمشير وطوبه وانا ربيعى بشير
مطرح مابظهر بأنتصر ع العدم
انشالله أكون رسمايه بالطباشير
الاصل
خرج ابن آدم من العدم قولت:ياه
رجع ابن آدم للعدم قولت :ياه
تراب بيحيا وحى بيصير تراب
الأصل هو الموت ولا الحياه؟
نجم عالى
يا نجم نورك ليه كده بيرتجف؟
هو انت قنديل زيت؟ أو تختلف؟
أنا نجم عالى بس عالى أوى
وكل ماأنظر لتحت أخاف أنحدف
بأمر المحال
انا اللى بأمر المحال اغتوى
شفت القمر نطيت لفوق فى الهوا
طلته ماطلتوش ايه انا يهمنى
وليه؟مادام بالحب قلبى إرتوى
الحزن
حاسب من الأحزان وحاسب لها
حاسب على رقابيك من حبلها
راح تنتهى ولابد راح تنتهى
مش انتهت أحزان من قبلها؟
خالق الكون
يا خالق الكون بالحساب والجبر
وخالقنى ماشى بالإختيار والجبر
كل اللى حيلتى زمزمية أمل
وأزاى تكفينى لباب القبر؟
خفه ودلع
غمض عينيك وامشى بخفه ودلع
الدنيا هى الشابه وانت الجدع
تشوف رشاقة رجليك تعبدك
لكن انت لو بصيت لرجليك تقع
راحه وصفا
فى يوم صحيت شاعر براحه وصفا
الهم زال والحزن راح وختفى
خدنى العجب وسألت روحى سؤال
انا مت ولا وصلت للفلسفه؟
طوفان
نوح راح لحاله والطوفان استمر
مركبنا تايهه لسه مش لاقيه بر
آه من الطوفان وآهين يا بر الأمان
إزاى تبان والدنيا غرقانه شر؟
مولود
عينى رأت مولود على كتف أمه
يصرخ تهنن فيه يصرخ تضمه
يصرخ تقول يابنى ماتنطق كلام
ده اللى مابيتكلمش يكتر همه
كلها فى الفاشوش
نسمة ربيع لكن بتكوى الوشوش
طيور جميله بس من غير عشوش
قلوب بتخفق....انما وحدها
هى الحياه كده كلها فى الفاشوش
لو فيه سلام فى الأرض
لو فيه سلام فى الأرض وإطمئنان وأمن
لو كان مافيش لا فقر ولا خوف ولا جبن
لو يملك الإنسان مصير كل شئ
أنا كنت أجيب للدنيا ميت ألف إبن
وفى النهايه أقول:أحلى مافيها العشق والمعشقه وشويتين الضحك والتريقه
وعجبى
الضحك
الضحك قال يا سم ع التكشير
أمشير وطوبه وانا ربيعى بشير
مطرح مابظهر بأنتصر ع العدم
انشالله أكون رسمايه بالطباشير
الاصل
خرج ابن آدم من العدم قولت:ياه
رجع ابن آدم للعدم قولت :ياه
تراب بيحيا وحى بيصير تراب
الأصل هو الموت ولا الحياه؟
نجم عالى
يا نجم نورك ليه كده بيرتجف؟
هو انت قنديل زيت؟ أو تختلف؟
أنا نجم عالى بس عالى أوى
وكل ماأنظر لتحت أخاف أنحدف
بأمر المحال
انا اللى بأمر المحال اغتوى
شفت القمر نطيت لفوق فى الهوا
طلته ماطلتوش ايه انا يهمنى
وليه؟مادام بالحب قلبى إرتوى
الحزن
حاسب من الأحزان وحاسب لها
حاسب على رقابيك من حبلها
راح تنتهى ولابد راح تنتهى
مش انتهت أحزان من قبلها؟
خالق الكون
يا خالق الكون بالحساب والجبر
وخالقنى ماشى بالإختيار والجبر
كل اللى حيلتى زمزمية أمل
وأزاى تكفينى لباب القبر؟
خفه ودلع
غمض عينيك وامشى بخفه ودلع
الدنيا هى الشابه وانت الجدع
تشوف رشاقة رجليك تعبدك
لكن انت لو بصيت لرجليك تقع
راحه وصفا
فى يوم صحيت شاعر براحه وصفا
الهم زال والحزن راح وختفى
خدنى العجب وسألت روحى سؤال
انا مت ولا وصلت للفلسفه؟
طوفان
نوح راح لحاله والطوفان استمر
مركبنا تايهه لسه مش لاقيه بر
آه من الطوفان وآهين يا بر الأمان
إزاى تبان والدنيا غرقانه شر؟
مولود
عينى رأت مولود على كتف أمه
يصرخ تهنن فيه يصرخ تضمه
يصرخ تقول يابنى ماتنطق كلام
ده اللى مابيتكلمش يكتر همه
كلها فى الفاشوش
نسمة ربيع لكن بتكوى الوشوش
طيور جميله بس من غير عشوش
قلوب بتخفق....انما وحدها
هى الحياه كده كلها فى الفاشوش
لو فيه سلام فى الأرض
لو فيه سلام فى الأرض وإطمئنان وأمن
لو كان مافيش لا فقر ولا خوف ولا جبن
لو يملك الإنسان مصير كل شئ
أنا كنت أجيب للدنيا ميت ألف إبن
وفى النهايه أقول:أحلى مافيها العشق والمعشقه وشويتين الضحك والتريقه
وعجبى