ازيكم يا أحلى أعضاء انا جايبالكم تكملة المقتطفات بتاعت أشعار صلاح جاهين ويا ريت تعجبكم
أصحاب
ياما صادفت صحاب وماصاحبتهمش
كاسات خمور وشراب وماشربتهمش
أندم على الفرص اللى انا سيبتهم
ولا على الفرص اللى انا ماسبتهمش
الكون
الكون ده كيف موجود من غير حدود
وفيه عقارب ليه وتعابين ودود
عالم مجرب فات وقال سلامات
ده ياما فيه سؤالات من غير ردود
شاب
أنا شاب لكن عمرى ألف عام
وحيد لكن بين ضلوعى زحام
خايف ولكن خوفى منى أنا
أخرس ولكن قلبى مليان كلام
يا باب
يا باب يا مقفول...امتى الدخول
صبرت ياما واللى يصبر ينول
دقيت سنين...والرد يرجعلى:مين؟
لو كنت عارف مين أنا كنت أقول
سهير الليالى
سهير الليالى وياما لفيت وطفت
وفى ليله راجع فى الظلام قمت شفت
الخوف كأنه كلب سد الطريق
وكنت عاوز أقتله بس خفت
يا قرص شمس
يا قرص شمس مالهاش قبة سما
يا ورد من غير أرض شب ونما
يا أى معنى جميل سمعنا عليه
الخلق ليه عايشين حياه مؤلمه؟
النفس
أيش تطلبى يا نفس فوق كل ده
حظك بيضحك وانتى متنكده
ردت قالتلى النفس:قول للبشر
مايبصوليش بعيون حزينه كده
الفيلسوف
الفيلسوف قاعد يفكر سيبوه
لا تعملوه سلطان ولا تصلبوه
ماتعرفوش ان الفلاسفه يا هوه
اللى يقولوه بيرجعوا يكدبوه
على بعد مليون ميل
على بعد مليون ميل من أرضنا
من الفراغ الكونى بصيت أنا
لا شفت فرق بين جبال وبحور
ولا شفت فرق مابين عذاب أو هنا
كلمه
عجبتنى كلمه من كلام الورق
النور شرق من بين حروفها وبرق
حبيت أشيلها فى قلبى قالت حرام
ده انا كل قلب دخلت فيه إتحرق
يا حبيبتى
ليه يا حبيبتى مابيننا دايما سفر
ده البعد ذنب كبير لا يغتفر
ليه يا حبيبتى مابيننا دايما بحور
أعدى بحر ألاقى غيره إتحفر
ورا كل شباك
ورا كل شباك ألف عين مفتوحين
وأنا وأنتى ماشيين يا غرامى الحزين
لو إلتصقنا نموت بضربة حجر
ولو افترقنا نموت متحسرين
العذاب
أنا كل يوم أسمع...فلان عذبوه
أسرح فى بغداد والجزاير وأتوه
ماأعجبش من اللى يطيق بجسمه العذاب
وأعجب من اللى يطيق يعذب أخوه
الأمل
شاف الطبيب جرحى وصفله الأمل
وعطانى منه مقام يا دوب ماإندمل
مجروح جديد يا طبيب وجرحى لهيب
ودواك فرغ منى...وإيه العمل؟
يا طير يا عالى
يا طير يا عالى طز فيك
ماتفتكرشى ربنا مصطفيك
برضك بتاكل دود وللطين تعود
تمص فيه يا حلو ويمص فيك
كروان جريح
كروان جريح مضروب شعاع من القمر
سقط من السماوات فؤاده انكسر
جريت عليه قطه علشان تبلعه
أتاريه خيال شعراء ومالهوش أثر
لسه للموضوع باقى ويارب يعجبكوا علشان انا تعبانه فيه
أصحاب
ياما صادفت صحاب وماصاحبتهمش
كاسات خمور وشراب وماشربتهمش
أندم على الفرص اللى انا سيبتهم
ولا على الفرص اللى انا ماسبتهمش
الكون
الكون ده كيف موجود من غير حدود
وفيه عقارب ليه وتعابين ودود
عالم مجرب فات وقال سلامات
ده ياما فيه سؤالات من غير ردود
شاب
أنا شاب لكن عمرى ألف عام
وحيد لكن بين ضلوعى زحام
خايف ولكن خوفى منى أنا
أخرس ولكن قلبى مليان كلام
يا باب
يا باب يا مقفول...امتى الدخول
صبرت ياما واللى يصبر ينول
دقيت سنين...والرد يرجعلى:مين؟
لو كنت عارف مين أنا كنت أقول
سهير الليالى
سهير الليالى وياما لفيت وطفت
وفى ليله راجع فى الظلام قمت شفت
الخوف كأنه كلب سد الطريق
وكنت عاوز أقتله بس خفت
يا قرص شمس
يا قرص شمس مالهاش قبة سما
يا ورد من غير أرض شب ونما
يا أى معنى جميل سمعنا عليه
الخلق ليه عايشين حياه مؤلمه؟
النفس
أيش تطلبى يا نفس فوق كل ده
حظك بيضحك وانتى متنكده
ردت قالتلى النفس:قول للبشر
مايبصوليش بعيون حزينه كده
الفيلسوف
الفيلسوف قاعد يفكر سيبوه
لا تعملوه سلطان ولا تصلبوه
ماتعرفوش ان الفلاسفه يا هوه
اللى يقولوه بيرجعوا يكدبوه
على بعد مليون ميل
على بعد مليون ميل من أرضنا
من الفراغ الكونى بصيت أنا
لا شفت فرق بين جبال وبحور
ولا شفت فرق مابين عذاب أو هنا
كلمه
عجبتنى كلمه من كلام الورق
النور شرق من بين حروفها وبرق
حبيت أشيلها فى قلبى قالت حرام
ده انا كل قلب دخلت فيه إتحرق
يا حبيبتى
ليه يا حبيبتى مابيننا دايما سفر
ده البعد ذنب كبير لا يغتفر
ليه يا حبيبتى مابيننا دايما بحور
أعدى بحر ألاقى غيره إتحفر
ورا كل شباك
ورا كل شباك ألف عين مفتوحين
وأنا وأنتى ماشيين يا غرامى الحزين
لو إلتصقنا نموت بضربة حجر
ولو افترقنا نموت متحسرين
العذاب
أنا كل يوم أسمع...فلان عذبوه
أسرح فى بغداد والجزاير وأتوه
ماأعجبش من اللى يطيق بجسمه العذاب
وأعجب من اللى يطيق يعذب أخوه
الأمل
شاف الطبيب جرحى وصفله الأمل
وعطانى منه مقام يا دوب ماإندمل
مجروح جديد يا طبيب وجرحى لهيب
ودواك فرغ منى...وإيه العمل؟
يا طير يا عالى
يا طير يا عالى طز فيك
ماتفتكرشى ربنا مصطفيك
برضك بتاكل دود وللطين تعود
تمص فيه يا حلو ويمص فيك
كروان جريح
كروان جريح مضروب شعاع من القمر
سقط من السماوات فؤاده انكسر
جريت عليه قطه علشان تبلعه
أتاريه خيال شعراء ومالهوش أثر
لسه للموضوع باقى ويارب يعجبكوا علشان انا تعبانه فيه